france

FRANCE, Francia, Francia occidentalis, ad distinctionem Franciae orientalis siue Germanicae, quae nunc Franconia dicitur, vulgo Francland, quasi Francorum patria. Illinc enim Franci penetrarunt in Galliam.

Né de France, François, Genitus Celtis, Celta, Francus.

Gouverner la France et l'administrer, Rationes Galliae procurare.

De France, est une addition qui se fait à certains officiers signalez en France, laquelle est de non petite energie: car est pour donner à entendre qu'ils sont officiers du Royaume et de la Couronne directement. Tels sont, Connestable de France, Chancelier de France, Mareschaux de France, Admiral de France, Maistre des Arbalestiers de France, grand Maistre de France, grand Queus de France, grand Bouteiller ou Eschançon de France, grand Panetier de France, grand Chambrier de France, grand Chambellan de France, grand Escuyer de France, grand Veneur et Faulconnier de France. Nicole Gilles en la Chronique de Charles septiéme, adjouste l'office d'Argentier de France, disant, L'an mil quatre cens cinquante deux, Jacques Coeur, Argentier de France, fut fait prisonnier par le commandement du Roy. Mais du Tillet en son recueil des Rois de France, ne le nomme point au Catalogue des officiers de France.

Le Grand-maistre de l'artillerie est aujourd'huy l'un des Officiers de la Couronne de France.

Thresor de la langue françoyse. Jean Nicot.